الجمعة، يوليو ٠٢، ٢٠١٠

لا تراجع و لا استسلام



انتظرت أنا و المدام فيلم مكى الجديد بفارغ الصبر – بعد أن شاهدنا فيلم طير انت العام الماضى . حوالى أسبوع قبل صدور فيلم لا تراجع و لا استسلام القبضة الدامية علمت بالصدفة البحتة أن كاتب السيناريو و الحوار هو صديقى المبدع شريف نجيب. و قد كان هذا سبب أقوى لنا أن ننتظر نزوله بفارغ الصبر.
ذهبنا اليوم الخميس، و حرصت على الذهاب مبكراً ساعة لكى أستطيع الحجز، و بالعافية حجزت مكانين فى الصفوف الأمامية. كانت السينما ممتلئة عن آخرها و قد شغل الفيلم قاعتى عرض فى سان ستيفانو مول. شاهدنا إعلان فيلم ولاد البلد و كان شديد البذاءة. المهم بدأنا بالتهام الفشار و بدأت تيترات الفيلم تظهر و شعرت بفخر شديد لرؤية اسم شريف نجيب فى بدايات التتر قبل أسماء أخرى كثيرة.
شاهدت الفيلم بتركيز شديد و تخيلت شريف فى كثير من المشاهد فأنا أنسجم جداً من أسلوبه الكوميدى فى سرد القصص. و كنت أنظر لزوجتى فى كل مرة تقع من الضحك و أقول لها – ده شريف صاحبى.

المهم سأتناول الفيلم بموضوعية شديدة. كانت الموسيقى التصويرية شديدة التميز – خاصة فى المشاهد الأولى، إن عمرو إسماعيل هو مبدع حقيقى و دائم التألق. القصة فى الواقع لا أستطيع أن أقول إنها مستهلكة لأنها فعلاً مستهلكة و على رأى الفيلم – إتهرست قبل كده فى 100 فيلم. الغريب إن هذا لم يشعرنى بالضجر، ربما لأنى معجب بمكى و معجب بشريف فلم أجد أى وقت للتفكير فى القصة من أساسه. لقد كان السيناريو متوقعاً بشكل غير عادى و إن كانت الأحداث مسلية فى نفس الوقت.

ننتقل إلى الحوار، أستطيع بكل فخر أن أقول أنه كان قنبلة كوميدية متحركة. - إلى درجة جعلتنا لم نسمع كل القفشات لأننا كنا مازلنا نضحك على ما سبقها. و هذا الفيلم ينافس طير انت فى كم و خفة دم القفشات و قد نجح فى هذا بشدة. شخصية حزلئوم و إن كانت متكررة مؤخراً - و هى شخصية الشاب الشعبى صاحب الكلمات المتعثرة المكسرة – عمر الشِقى بِقى – بكسر الشين و الباء.
لكن أضاف لها مكى الكثير بحضوره الصارخ و أيضاً أضاف لها شريف نجيب بحواره الشديد الذكاء.

ثقافة شريف الفنية المرجعية تظهر بوضوح فى كل مشهد من مشاهد الفيلم.
و كما وصف بنفسه – هناك جمل حوارية أغلبها للطالب المتوسط و لكن البعض منها للطالب المتميز. استمتعت كثيراً بمشهد شاطىء بلطيم و سقطت ضحكاً فى مشاهد المترجمة. لقد كانت أغلب قفشات الفيلم جديدة على عكس ما أراه فى أفلام أخرى من نكت قديمة أو محورة.
لقد ضجت القاعة بضحك هيستيرى عندما بدأ حزلئوم يسخر من اسم جيرمين و قال لها دنتى لا جايبة جيهان و لا طايلة نيرمين.

شخصية النينجا فى الفيلم أكثر من رائعة– و هو الشخصية الموجودة و الغير موجودة – و هى شخصية يضيفها بعض الكتاب لقصصهم – و تسمى ب
Bystander
و يحضرنى إستخدام هذا النوع من الشخصيات فى فيلم كرتون -
Ice Age
و كانت شخصية سنجاب يبحث عن بندقته طوال الفيلم و ليس له علاقة بالأحداث.
لم تأخذ جميع الشخصيات نفس المجهود و التشخيص الذى أخذته شخصية أدهم لكنها كانت جميعاً تعمل فى سيمفونية واحدة متناغمة.
أعجبنى كثيراً المشاهد المزدوجة مثل مشهد لقاء حزلئوم التليفزيونى الذى احتوى على شريط رسائل نصية. كان فى غاية الكوميديا.

أما عن التمثيل، تلقائية و حضور مكى اللا متناهى هو تذكرة إلى قمة السينما. إنه وحش يحتاج إلى قصة تخرج كل طاقاته الفنية. و قد أخذ هذه الفرصة فى فيلم طير انت حيث أدى الكثير من الشخصيات. و ظهر فى لا تراجع و لا استسلام فى دور أكشن ينم عن مقدرة فذة على أداء دور أكشن جاد .
دنيا و كدوانى و أبو عوف و دلال عبد العزيز و غيرهم – هم عمالقة بالفعل و نجحوا فى أدوارهم بشدة،
تحية حارة لمن اختار الشخصيات. و ان كان ابو عوف لم يقنعنى كثيراُ فى دور الشر

لم أنتبه كثيرا للتصوير و الإخراج و ان كان هذا يعنى أن الفيلم كان سلساً و موفقاً.

ملحوظة أخيرة – أتمنى من مكى فى الفيلم القادم أن يقدم قصة جديدة – فهى ستأخذه لمرتفعات جديدة فى عالم السينما و أتمنى أيضاً أن يكون شريف نجيب هو الكاتب للسيناريو و الحوار.


الثلاثاء، مارس ٣٠، ٢٠١٠

بيت المدونات العربية


بيت المدونات العربية هو مشروع عربى لفهرسة و تصنيف المدونات العربية.
موقع واحد، صفحة واحدة، كل المواضيع، كل المدونات العربية مفهرسة، كل المدونين المصريين والعرب يلتقون فى مكان واحد.
هذه هى رسالة بيت المدونات العربية و حلم شخصى لكثير من المدونين.
يمكنك الآن الإستمتاع بالمزايا التالية:
- متابعة المدونات من كل الدول العربية:
مدونات مصرية
مدونات سعودية
مدونات كويتية
مدونات مغربية
مدونات إماراتية
مدونات تونسية
مدونات جزائرية
مدونات فلسطينية
مدونات لبنانية
مدونات أردنية
مدونات عمانية
و غيرها من المدونات العربية.

- متابعة مواضيع المدونات فى الفئات التالية:
مدونات خواطر
مدونات رياضية
مدونات علوم و تكنولوجيا
مدونات اخبار خفيفة و طرائف و فكاهة
مدونات سياسية
مدونات فنية، مدونات اغانى و مدونات افلام
مدونات متخصصة تعليم، مدونات صحة مرأة طب
مدونات دينية
مدونات اشعار مدونات حب
و غيرها.
- متابعة مواضيع المدونات فى آخر 24 ساعة
- تسجيل مدونة فى بيت المدونات العربية
- حفظ المواضيع و المدونات المفضلة
- التصويت ل أفضل المدونات العربية
- متابعة المدونات الساخنة
- متابعة المواضيع الساخنة
- متابعة التدوينات المرتبطة بموضوع معين مثل مسلسل صرخة حجر أو محمد البرادعى
- الإشتراك البريدى للحصول على الأخبار و المواضيع أولاً بأول
- متابعة ملخصات المدونات فى مكان واحد مثل:
مدونة خالد الصاوى
مدونة التربية التكنولوجية
مدونة Egyptian Chronicles
مدونة كاريكاطظ
مدونة أحمد الصباغ
و الآلاف غيرها من المدونات

هل تستيقظ فى الصباح الباكر و تفتح جهازك باحثاً عن تدوينات جديدة لمدونيك المفضلين؟
هل تشعر بالملل من العمل فتتجه إلى المدونات و تقفز من مدونة إلى أخرى حتى تنسى من أين بدأت و كيف إنتهيت إلى هذه المدونة؟
هل تمنيتى يوماً أنت تجدى كل المدونات لفتيات فى نفس بلدك أو مدينتك و يكتبن فى نفس مجالك سواء كان الشعر أو الخواطر أو الفنون؟
هل تبحث عن مكان واحد يجمع كل المدونات السكندرية؟
هل تحب أن تقرأ كل التدوينات التى كتبت فى القاهرة بالأمس باللغة الإنجليزية فى صفحة واحدة؟
هل تريد أن تعرف ماذا يشغل بال المدونين فى مدينتك اليوم؟

الأحد، يوليو ١٩، ٢٠٠٩

1000 مبروك أحمد حلمى

كم من الناس يعيشون فى أنانية و لا مبالاة بكل إنسان حولهم، كم من الناس يعامل أقرب الناس إليه بجفاء و سلبية. السؤال الأقوى هو كم من الناس يلاحظون أنهم هم بأنفسهم هذا الشخص الكريه؟
لقد إكتشف أحمد جلال هذه الحقيقة المرة عندما وجد نفسه يعيش أحداث يوم فرحه كل يوم، إن تكرار الأحداث كل يوم جعله يتأمل تصرفاته و شخصيته و جعله أيضاً يدرك أنه يملك القدرة على تغيير الواقع عن طريق تغيير تصرفاته و لكنه فى نفس الوقت لا يملك تغيير القدر لأن القدر هو الذى يغيره رغماً عن إرادته.
فقط عندما أدرك هذه الحقيقة، إستطاع أن يغير الكثير من واقع حياته و شخصيته الأنانية و إن كانت بعض الأشياء لا يملك تغييرها لأنها قدره و قدر كل إنسان.
القصة مستوحاة من فلسفة إغريقية لسيزيفيوس و إن لم يجد المؤلف الشجاعة ليذكر أنه تأثر أيضاً بفيلم جراوندهوج داى – GroundHog Day – و هى قصة تتشابه كثيراً فى خطوطها العريضة و بعض تطوراتها و إن كانت القصة المصرية فى رأيى شديدة الثراء و القوة.
القصة جميلة، البناء الدرامى رائع، تطور الشخصية أكثر من ممتاز، لم يفقها سوى أداء حلمى الذى لا يشق له غبار. و إن كان محبى حلمى ينتظرون منه فيلماً كوميدياً بعد فيلمه آسف على الإزعاج و بعد كل الكآبة التى شاهدوها فى موسم صيف 2009 – و لكنهم لم يجدوا الجرعة الكافية من الضحك كما توقعوا.
حلمى يتفوق كالعادة فى إختياره للمادة الفنية و يوفق كثيراً فى فريق العمل الذى إختاره هذه المرة من شباب مركز الإبداع – و مع ذلك شعرنا بألفة مع الممثلين برغم عدم معرفتنا السابقة بهم.

السبت، يونيو ٢٧، ٢٠٠٩

تسريب ألبوم عمرو دياب - وياه - 2009 قبل ميعاده بخمس أيام


برضه مفيش فايدة، برغم كل الإحتياطات تسرب ألبوم عمرو دياب - وياه - 2009 - قبل ميعاد صدوره المقرر أول شهر يوليو.
و يدعى أصحاب المواقع و المنتديات التى سربت الألبوم كاملاً بجودة السى دى أن النسخة لديهم من وقت طويل و لكنهم إضطروا لوضعها لأن جميع المواقع الأخرى وضعت الألبوم !!!!

إقرأ النص هنا - لكن لن أنشر العنوان - فهو معروف للجميع....
كل اللي بيقول ان احنا حطينا الالبوم ليه ؟؟
الالبوم كان معانا من بدرى قوى واحنا علي قد منقدر كنا بنحافط انه ميتسربش بس مش احنا لوحدينا اللي كان معانا الالبوم والالبوم نزل حاليا في كل المواقع والموضوع خرج من ايدينا خلاص والالبوم نزل في كل حتة وسواء حطينا الالبوم او لا مش فارقة كتير والالبوم نازل رسمي خلاص وطبعا اللي بيحب عمرو حيشتري الالبوم ده عمرو ياجماعة مش حد تاني
قولت ممكن نحمي الالبوم المرة دي من التسريب بس اتسرب برده كعادة البومات عمرو دياب, بس خلاص الالبوم نزل في كل حتة ولازم ينزل فى كريزى مان عشان احنا بنحترم الاعضاء ولازم نوفر ليهم كل حاجة
ومش معنا كده اني مش بحب عمرو دياب بس عشان نبقي صادقين اللي بيحبه حينزل الالبوم ويشتري السي دي وانا اولكم ان شاء الله

الاثنين، فبراير ٢٣، ٢٠٠٩

بيبو فرقع جيجى – رغيف عيش



أنا إسمى باسم – شاب زى الورد – ناس كتير بتحسدنى على شغلى و سفرى بره و أهلى و وسامتى و ذكائى و أخلاقى و رومانسيتى و اللى عندى و و و .... و كمان متواضع. أيوه بجد متواضع بس لازم أقول الكلام ده، مفيش حد غريب يعنى.

أنا بقى كل مشكلتى فى الحياة إنى إتولدت فى زمن أغبر. أيوه أغبر مانتوا عارفين اللى فيها. و محدش يسألنى يعنى إيه أغبر عشان حتى لو مش عارفين معناها لكن عارفين إن عيشتنا غبرا – اللى هو مؤنث أغبر. المهم يعنى البقين اللى إنتوا عارفينهم دول، الغلا و المرتبات و الشقق و العيش و العيشة و اللى عايشنها يعنى من الآخر كده مش طايق حاجة – عادى يعنى هو أنا أول و لا آخر واحد يشتكى!

و للأسف مشكلتى دى – اللى هى مشكلة كل الشباب برضه – ملهاش غير حل واحد، عارفينه طبعاً؟ لأ يا سيدى أستراليا مش هى الحل، عشان الهجرة تبقى هروب من المشكلة مش حل ليها. صحيح كل الناس نفسها تهرب، بس نسيب أهلنا لمين؟؟؟ أيوه عارف جيت عالجرح.
الحل الوحيد إنهم يخترعوا آلة الزمن و يبقى قدامنا إختيار من إتنين:
يا إما ناخد مارشيدير 200 سنة و نعيش أيام النعيم فى عصر محمد على باشا. يعنى أكتر حاجة تقلقك إنك تكون من المماليك و تروح فطيس فى مذبحة القلعة، بس حتى دى مقدور عليها خد معاك كتاب تاريخ بتاع أولى إعدادى يظبطك. يبقى بس مشكلتك مع الأوبئة و الأمراض يعنى لو جالك أنفلونزا، كل سنة و إنت طيب. بس يعنى و ماله إنت عايز تعيش كتير ليه ده مفيش أياميها فيس بوك ولا موبايلات و لا إم بى سى أكشن أكيد هتزهق.

الإختيار التانى بقى تدوس بنزين و تطلع 100 سنة قدام على أمل تكون مشاكل الدنيا إتحلت كلها، يعنى مثلاً بدل طوابير العيش تلاقى فيه خدمة العيش البلدى على الإنترنت تدخل على عيش بلدى دوت كوم و الرغيف يجيلك عالبيت. و تكون الأسعار ثبتت شوية الشقق الخمسين متر بخمسين مليون و العملة إستقرت، المتهان (اللى هو ورقة الألف جنيه) يساوى يورو واحد. يعنى محدش ضامن إحتمال كمان تكون أمريكا محتلة مصر و نقبض مرتباتنا بالدولار من غير ما نسافر و لا فيزا سياحة و نكسر و لا قرف.

و لغاية ما يخترعوا الإختراع ده، هعصر على نفسى برطمان لمون ساقع و هرضخ لمصيرى اللى هو أنا مش عارف إيه هو و مظنش حد عارفه أصلاً. طيب رضينا بالهم بقه، بس إيه اللى يصبرنا عليه؟؟؟ أيوه صح الله ينور عليك، مفيش حاجة تصبرنا عالهم ده غير الجواز. حد هيقولى جواز إيه اللى إنت جاى تقول عليه إنت عارف قبله معنى الجواز إيه؟؟؟؟ أيوه يا عم سعد عارف ده شر لا بد منه بس برضه كان عندى معتقدات كده و الله أعلم إن الواحد لما يشارك همه بيرتاح. قلتلى بقى بيرتااااح.

بعد تجارب مكثفة و أبحاث مكلفة و تضحيات منيلة بنيلة إكتشفت إن الجواز راخر طاله الزمن الأغبر. عشان بس أتوخى الدقة، مش الجواز نفسيته، لأ، البنى أدمين ذاتهم، يعنى البشر، يعنى تو بى مور سبيسيفيك، و بدون إحراج، العراااااايس. طبعاً أنا عارف فيه ناس متحفزة من أول الكلام مستنية تسمع الكلمة دى عشان تطلع السكينة السويسرى و تقيم عليا الحد لو ما رجعتش فى كلامى. عالعموم أنا مش بعيب فى حد، و لو حد هيتكلم كلمة يروح الأول يقرا عن عرسان برايد فى كتابها الشهير عايزة أتجوز. أكمل كلامى بقى و بلاش تهديد.

أيوه الزمن الأغبر طال العرايس، هتقولولى إزاى ! دى العرايس قاعدة أهه مستنية ولاد الحلال. لأ يا جماعة أنا مش بتكلم فى الكوانتيتى، أنا بتكلم فى الكواليتى يا فندم كواليتى! يعنى تخيلوا كده معايا اللى حصل لرغيف العيش اللى كان زمان كده بخيره و مليان رده و كبير يملا العين و سخن و من جوه طرى و منفوش و لونه كده فاتح و ممكن تاكله حاف و تشبع. تابعوا معايا بقى اللى حصله دلوقتى لو لقيته أصلاً بارد و قد الكبسولة و ناشف و مخفوس و إسود و مليان مكونات مجهولة المصدر و ممكن لو بعد الشر كلته يجيلك تلبك معوى. الخدعة الكبيرة بقى إن ده محصلش فى يوم و ليلة لأ حصل واحدة واحدة، و الناس بتاكل و مش حاسة بالتغير اللى بيجراله. لغاية ما جه واحد و قالهم إيه اللى إنتوا بتاكلوه ده. و الناس لسه بتاكل، ما هو لازم تاكل محدش هيبطل أكل عيش عشان محدش يقدر يعيش من غير ما ياكل عيش. ما هو لازم تتجوز محدش هيبطل يتجوز عشان محدش يقدر يعيش من غير ما يتجوز.

زمااااان، كانت العروسة أدب إيه و أخلاق إيه و ثقافة إيه و شطارة إيه و طيبة إيه. تعالى دلوقتى شوف العرايس، أولاً تلاقى مامتها بتشتكى منها: دى مبتساعدش فى البيت، دى مبتعرفش تعمل كوباية شاى، مبتعرفش تكوى هدومها و لا تطبقها.
- طب عندك إستعداد تتعلمى؟
- أتعلم ليه؟ إنت مش هتساعدنى فى شغل البيت؟

و يطلع العريس أصلاً بيعرف يطبخ و يكوى و يطبق و ينضف أجدع من أم محمد الشغالة اللى بتيجى عندنا البيت و تاخد ستين جنيه فى أربع ساعات. هتقولولى بيتعلموا هقولوكوا من شب على شىء شاب عليه. لما إحنا لسه هنعلمهم أمال مين هيعلم العيال !!!

طيب سيبنا من دى، مستوى الثقافة بقى، ياما كان نفسى فى عروسة مثقفة، مش لازم يعنى تكون بتقرا لباولو كويلو ولا حتى يوسف معاطى، بس يعنى ثقافة عامة متضرش، ولا يمكن بتضر؟؟؟ أنا بحس ساعات إنهم بيفكروا جدياً إن البنت لو قالت إنها قريت كتاب ساحر الصحراء ممكن الناس تفتكرها معقدة أو يقولوا يا حرام عندها فراغ عاطفى. المشكلة كمان تلاقى البنت من دول بتعامل الثقافة معاملة الموضة. على غرار آخر صيحة كده.
- شفتى آخر كتاب نزل فى السوق لهارى بوتر؟
- البت هرميون شكلها بتحب الواد رون و هتقلب هارى.
- يا حرام بس الواد هارى ده أمور و يتيم
- بس بس قطعتى قلبى
لو كان قاسم أمين يعرف إن تعليم البنات هيوصل للحوار ده، كان عمل مظاهرات ضد تعليم المرأة أصلاً.

طب بلاها ثقافة و أدب، طول عمرى بتمنى عروسة مهتمة بالفن، يعنى تحب لوحات سلفادور دالى، تسمع أغانى بيتلز، تشوف حلقات فريندز، تحضر حفلات فريق وسط البلد، مش فارق معايا عربى و لا أجنبى بس عالأقل تكون بتقدر الفن بأنواعه و مش بترفضه لمجرد عدم قدرتها على إستيعابه. بمعنى آخر يعنى، ميكونش أحسن فيلم شافته فى 2007 هو فيلم عمر و سلمى. و ميكونش أفضل برامجها هو ستار أكاديمى. يعنى لو هو ده مستوى الفن يبقى بلاها فن و خد فوزية !!! أنا مثلاً بعتبر إن الفن الراقى هو الفن اللى يحترم جمهوره. أما عرايس موديل 2007 بتعتبر الفن الراقى هو الفن اللى جمهوره بيريل عليه. شلاه يا سيدى تامر حسنى.

طب سيبنا من الثقافة و الفن و المهارات الأساسية فى البقاء على الحياة، بيقولوا إن قيمة الإنسان بتحددها أعماله. تعالوا نشوف الأعمال اليومية و الأنشطة لعرايس موديل 2008 معدل: الكوافير و ملحقاته، الحفلات و ملحقاتها، المسلسلات و الفيديو كليب و ملحقاتها، النميمة، النميمة، النميمة، الشوبينج و ملحقاته، النميمة.
إحسب قيمة الإنسان بعد إضافة الضريبة و مراعاة فروق التوقيت.
و على رأى الفيلم:
- إسمك إيه؟
- تفاهة
- إيه؟
- تفاهة
- و فرحان قوى؟

طبعاً أنا شايف السلاح الأبيض المتمثل فى السويس نايف بيختفى و طالع بداله مجموعة من الكلاشينكوف و الأربى جى و تشكيلة من الأسلحة الآلية و اليدوية.

يا جماعة أنا مش بفترى و الله و عشان كده قررت أحكيلكوا عن مغامراتى مع جينا – و قولولى، قولولى قولولى، قولولى الحقيقة، دى حالة فردية و لا دا سيريال زى سفاح كرموز كده. أنا بس عايز أعرف بيبو – اللى هو موا – عنده حق يفرقع جيجى – اللى هى جينا – و لا هو ظالمها. يعنى آكل عيش ناشف بمساميره و لا أعمل إيه.