الكعب للقفا
كنت بتكلم فى الموضوع اللى فات عن الإرتباط و كونه عملية تشبه البحث عن إبرة فى كومة قش
المهم الإبر مش موضوعنا دلوقتى أنا كنت بفكر فى نظام كونى مختلف يتماشى مع العصر الحالى. يعنى زمان مكانش فيه البشر دى كلها. المسألة كانت سهلة، آدم لحوا و حوا لآدم إنما دلوقتى فيه 3 بليون آدم و 3 بليون حوا ، الموضوع إتعقد شوية و مكنش حد عامل حسابه و أكيد محتاج حل من فوق أكبر منى و منك عشان كده فكرت فى طريقة تانية للموضوع ده، أحكيلكوا الحكاية الأول؟
- بابا عايز أتجوز
-ورينى قفاك يابنى
- إتفضل يا بابا
- بصوت عالى - هاتى نضارة القراية يا فوزية
تجرى فوزية مهرولة و تحضر النضارة و هى تتمتم، يا ألف نهار أبيض، و ترقع زغروتة مدوية
يقرأ الوالد بصعوبة من على قفا إبنه
- إسمها نادية عبد السلام و نمرتها أهى
- ميرسى يا بابا إستنى أديها رنة
- رنة إيه يا واد إبقى حب فيها براحتك بعدين كلمها خد عنوان البيت
يتصل الشاب بالنمرة:
- ألو أيوه أنا تامر يا نادية
- تامر مين؟
- عريسك،إسمك مكتوب عندى
- صحيح يا تامر؟ إنت باباك عايش؟
- آه ليه؟
- طب و حياة والدك إبعتلى صورة قفاك
- قفايا؟ طب مش تشوفى وشى الأول؟
- يوه طب خد عندك العنوان أهه
يدق تامر بقوة على باب العروسة واقفاً متأنتكاً مع أهله، يفتح الباب رجلاً ضخماً و يقول:
- أهلاً يا مرحب، إنت تامر يابنى؟
- أيوه يا أنكل عبد السلام - مشيراً بإصبعه إلى نقطة وراء رأسه - أنا العريس
- من وراء الباب - صوت أم العروس - شرفتوا و أنستوا إتفضلوا
يدخل تامر و العائلة يتعارفون مع أهل العروس التى تخرج عليهم فى أبهى صورة. يمد تامر يده ليسلم على عروسته نصيبه ، تسلم عليه سريعاً و تقول له:
- لف يا تامر
- نعم؟
- يوه لف خلينى أخلص
تخرج نادية تليفونها المزود بكاميرا و فلاش و تقوم بتصوير قفا تامر ثم تسارع بإرسال صورة القفا إلى كل صديقاتها إس إم إس موضحة إسمها و نمرتها على القفا
تتململ الست فوزية فى كرسيها فتقول الست أم نادية:
- دحنا زارنا النبى
فتقول الست فوزية
- يا نادية يا بنتى حد يلبس شراب برضه فى المناسبة دى؟ مش دى الأصول أبداً
تجلس نادية و تقوم بخلع الحذاء الرياضى و الشراب كاشفين عن قدمها اليسرى و تجلس الست فوزية على الأرض أمام نادية و تقترب من كعبها بعيونها و تقرأ بصوت مخنوق:
- تامر أبو العزايم
يقول والد العريس المثل الشهير: الكعب للقفا و يكمل والد العروس: بالحب و الوفا
ترتسم إبتسامة خجول على وجه نادية و تنطلق الزغاريد من بيت العروس معلنة إكتشاف العريس.
سهلة مش كده؟ مفيش أسهل من إن كل واحد يتولد و مكتوب على قفاه و لا كعبه إسم شريك مستقبله و نمرته، حاجة من عند ربنا كده - مش الناس بتقول نصيب؟ خلاص يبقى مفيش حاجة تمنع إنه يبقى معروف من الأول هتوفر وقت و مشاكل و كهربا و فلوس و وجع قلب. الكعب للقفا بالحب و الوفا.
صدقونى أنا مشربتش أى حاجة بس بقالى 13 يوم بشتغل بدون توقف النهارده أجازة :)
ميشو
هناك ١٧ تعليقًا:
هههههههههه ضحكتني .. الكعب للقفا بالحب و الوفا
خيالك عالي قوي .. و دمك خفيف
Thanks Shabab
ahlan bik haisam, nawwart :)
sherif basha, ana el wa7l amma byenzel 3alaya ensani :) ana el7a2i2a nefsi akteb comics enta 3aref yakhoya, bas batmarran el awel :)
Bass sada2ny low kan kol wa7ed maktoob 3aleh men el awel zy mabet2ool kan kol wa7ed kereh elly maktobalo, meh 3aref leh
Gamda molla ya mizo
الكعب للقفا بالحب و الوفا
حرام عليك يا ميشو قلتلك كفاية شرب
وبعدين لو واحد هيتجوز اربعة تفتكر شكل قفاة هيكون ازاى؟
ولا لو وحدة بتحب نجوز كتير يعنى مرتين تلاتة كل سنة هيكون شكل كعبها ازاى؟
الحقيقة يا أسامة يا خويا الموضوع أعقد من كده إفرض كمان العريس ولا العروسة إتوفوا؟
بص، هو أكيد مش هيتجوز أربعة فى نفس اليوم - غالباً يعنى - إلا إذا كان محمود عبد العزيز فى فيلم سيداتى أنساتى أو نور الشريف فى مسلسل الحاج متولى. يبقى ممكن بعد كل جوازه الإسم القديم يتمسح و يتكتب بداله الجديد، ده لو هيطلق، لو مش هيطلق يتكتب تحته و هكذا و هو حر بقى أنا رأيى كفاية واحدة :) عشان قفاه ميبقاش عامل زى السبورة :)
howa el awka3 elly yetgawez arba3a dah yeb2a 2afaaah 3areeed kefaya ya7'od el four numbers & names
we ba3deen teb2a 7ekayett 3ard 2afaah mosh sheteema
la mogamla ba2a
وإليكم التكملة بعد إذنك يا ميشو
بعد شهرين من زواج الكعب والقفا
يستيقظ الجيران على سماع الصرخات من العروسة والعريس اللذان لم يكمل زواجهما إلا شهرين فقط ...
هو: إذا كان مش عجبك قفايا غيريه... وشوفي بقه هتلاقي قفا زيه فين!!!
هي: أنت اللي مش هتلاقي كعب رجلي في العالم كله..هو أنت كنت لاقي صباع ده لولا ماعمو بص في قفاك كان زمانك بقالك خمسميت سنة بتحاول تشوف قفاك عشان تعرف اسمي وعنواني ومش عارف وكان زمانك احوليت كمان
هو: انا برضه مش عايزة اكلم على كعبك بقه ..هو انتي كنتي اصلا تتجوزي حد غيري ولا كنتي لاقية اصلا... دنتي مصدقتي كلمتك ولا لما جيت صورتي قفايا في ثواني وكأنك لقيتي لقية ولا معجزة وبعتي لكل صحابك وطبعا كلهم اتهبلوا على قفايا ..هاقول ايه بقه افترى
(ويرن جرس الباب..فتهرول الزوجة لترى من ثقب الباب الأهل) فتفتح الباب متصنعة البكاء ..
هي: اهيء اهيء شفته يا عمو بيعايرني بكعبي هو كان الاقيه اصلا
عمو(وال العريس): معلش يابنتي ..(بينه وبين ونفسه)أحاول اصلحهم ويابخت مين وفق كعب وقفا في الحلال... معلش ياولاد كل واحد فيكم يبوس قفا وكعب التاني ومش عايزين زعل والله ده تلاقي يا بت انتي صاحبتك لما شافت جوزك حسدته عشان تلاقي قفا جوزها مش عاجبها ..
طنط(والدة العروسة): ايوة ولا حتى تلاقي واحد صاحبك حسد كعب مراتك هو انتا كنت لاقي كعبها اصلا
الوالد: قصدك ايه يا مدام لأ لأ احترمي نفسك دنا ابني عنده قفا مش عند حد احسن ميت مرة من كعب بنتك وأل انا اللي كنت جاي ابشرك انه اسمك في قفايا بعد الموت المرحومة .. تقومي تكلمي كدا
الوالدة(والدة العروسة): قصدك ايه يا استاذ..نعم ...كعب بنتي يسوي ميت الف من قفا وبناقص الجوازة انا مش عايزة قفاك
(ودخل والد العريس ووالدة العروسة في عراك شديد لم ينتهي الا بموت بجراح غائرة اصابت الإثنين من تطليق الزوج لزوجته..وهكذا كان العراك على القفا والكعب السبب في الإنفصال بدلا من تجميع رأسيين في الحلال)!!!!!!!!!!!!!!!!!!
[url=http://onlinecasinose25.com ]online casino [/url]"Come on, then," cried John, willing enough. "There's the servants' http://sverigeonlinecasino.net/ online casino 100 kr gratis casino online reproach from the people, till at last he was convicted of the horrid
Hi, buy generic accutane online - order accutane http://www.twincitiescheap.com/, [url=http://www.twincitiescheap.com/]accutane sale [/url]
Li, accutane no prescription - cheap accutane online http://www.isotretinoinrxonline.net/, [url=http://www.isotretinoinrxonline.net/]generic isotretinoin[/url]
Hi, [url=http://britpoppedia.com/assignment.html]good assignment [/url] - help with my assignment - homework assignment http://britpoppedia.com/assignment.html.
4, Isotretinoin Price - order isotretinoin online http://www.benefitsofisotretinoin.net/, Accutane For Sale
4, Price of Lamisil - where can i buy lamisil http://www.lamisilfast24.net/, Cheap Lamisil
5, venlafaxine online - venlafaxine no prescription - effexor without prescription http://www.costofeffexor.net/.
12, purchase gabapentin - neurontin online - cheap neurontin http://www.solarcraftaudio.com/ .
Though getting pregnant naturally seems easy, the process often requires exquisite timing. These fertility doctors can prescribe medicine that can improve expansion follicles and induce ovulation. The sensation of pregnancy makes a mother feel in high spirits.
http://pregnancyhelper.in
إرسال تعليق