سرقة عينى عينك
كنت أنوى كتابة موضوع رومانسى لذيذ، و لكن حدث ما سوف أحكيه لكم حالاً...من فترة قام صديقى العزيز شريف بكتابة موضوع هانيا - الشهير - و قمت أنا بالذهاب إلى الموقع و صورت الإعلانات و نشرت قصتى مع موضوع هانيا.
بإختصار قام موقع إسلام أونلاين و من بعده جريدة عين بنشرالموضوع بتفاصيل محرّفة و صور معدّلة بدون الإشارة إلى مصدر النقل سواء فى القصة أو الصور.
طبعا لا ترقى المواضيع المنقولة إلى أسلوب شريف الجذاب كما لا تظهر الصور بشكل يليق بالموضوع.
تحديث: قام محرر عيون المشاهد بموقع إسلام أونلاين مشكوراً بإضافة مصادر الموضوع - بناءاً على رسالة أرسل له بها - مشكوراً الصديق أحمد غربية.
مش عايز أطوّل بس أكيد صديقنا الصحفى المحترم - الذى لم يضع إسمه على الموضوع بالجريدة - يتابع أحد المدونتين - عملاً بمبدأ المجرم يحوم حول مكان الجريمة - و هو يعلم الآن إن هذا الموضوع فى طريقه للإنتشار على دائرة واسعة كما حدث مع موضوع هانيا و ربما يجد طريقه لأحد الجرائد أو المجلات بعنوان سرقة المدونين المصريين - ليكون عبرة لكل من لا يحترم حقوق الآخرين.
برغم إنى فى الواقع - أى دونت جيف آ شيش - و لا إزاز - للموضوع ده بالذات عشان أنا كان هدفى نشر الموضوع و هو كده إتحقق و زيادة - لكن برضه - السرقة سرقة. و إتعلموا بقى - لا تنسب لنفسك ما هو ليس لك.
آه، قبل ما أنسى، عشان برضه الأساتذة يتعلموا حاجة جديدة إسمها - مصادر الموضوع
راجع مدونة شريف عن سرقة صور موضوع هانيا
راجع إسلام أونلاين لمشاهدة الموضوع المسروق بالصور
راجع العدد 176 من جريدة عين بتاريخ 23 نوفمبر 2006 - الصفحة الثانية - بعنوان Love Story - و بدون إمضاء
هناك ٨ تعليقات:
متزعلش ياميشو ...اصل دلوقتي السرقة مبقتش عيني عينك بقيت بجاحة عيني عينك ، بس سيبك انت الصور تجنن عشان كده هما سرقوها ، وبعد كده المره اللي جايه ابقي اتصور فوق الصورة عشان ميقدروش يسرقوها...هههههه
حلو قوى عشان ينشروها فى الجرايد و يفتكرونى عايز أتجوز هانيا و ييجى صاحب الصورة يموتنى :)
لالا ياميشو مش هيجي يموتك هو هايجي يقولك فين فلوس الاعلان....ههههه
السرقة سرقة مفيهاش كلام
مهما كان الموضوع بسيط ولا صغير
لازم نتعلم احترام الحقوق
وان الانترنت ده مش سبيل مفتوح ولا وكالة مالهاش صاحب
It will get harder & harder to protect your input on the blogosphere..
Good luck to us all :)
I was driving my car down Bank streetin Ottawa when I heard the nice Lebanese announcer in the local arabic radio station quote what you wrote down on your blog and asking for audience to call and give their opinion on what the crazy lover did in Cairo .
Guys your allover the place !!
C.2002
أولنا كدة من زمان.. آلوا إطلعو من البلد )السرقه سرق .. حتى لو كانت لون فى لوحه ;)
أرجوك ما تسيبش حقك !!
لأنه ما ينفعش
السرقه سرقه و ماينفعش تسكت
كل يوم هتلاقي واحد واخد موضوع من عندك و ناشره بأسمه
إرسال تعليق