عماد مريم مايكل
العيد ده كان فعلاً غريب كله عيال * عيال، يوم شم النسيم كان عيد ميلاد مارك - سنة واحدة - و يوم التلات كان عماد مريم - 90 يوم
المهم كانت الكنيسة الساعة 7 الصبح و أنا - كإنسان مش زى البنى آدم - مش متعود أصحى بدرى كده و فعلاً مصحتش بدرى كده لإنى منمتش أصلاً !! و طبعاً كنت فى الكنيسة أول واحد بعد أبونا و الشماس. حتى العسكرى قدام الكنيسة كان خايف يدخلنى و قاللى إنت داخل تعمل إيه
مارك - أبونا مينا - مريم
مريم تبقى بنت مايكل صاحبى من أيام المدرسة، الصدفة الرهيبة بقى إن نفس اليوم نفس القداس نفس أبونا كان برضه بيعمد مارك إبن رامى اللى هو برضه دفعتى أنا و مايكل فى المدرسة. و لما شفت رامى مكنتش فاهم فدار الحوارالتوهان التالى:
رامى صدفة جميلة
ميشو إنت بتعمل إيه؟
رامى صدفة جميلة
ميشو إنت بتعمل إيه؟
أصل النهارده عماد مريم
مريم مين يا ميشو؟
مريم بنت مايكل فاكره؟ أومال إنت بتعمل إيه؟
أصل النهارده برضه عماد مارك
مارك مين؟
مريم مين يا ميشو؟
مريم بنت مايكل فاكره؟ أومال إنت بتعمل إيه؟
أصل النهارده برضه عماد مارك
مارك مين؟
مارك إبنى
ياراجل لاهونتا خلفت؟
ياراجل لاهونتا خلفت؟
للأسف مايكل فى السعودية حالياً - زى كل صحابى الأندال اللى سافروا و سابونى فى مصر لوحدى - مش هشتكى دلوقتى خلينى ساكت. على العموم مش هسكت كتير، مريم قامت بالواجب و قعدت تعيط من ساعة ما دخلت لغاية ما خرجت. فجأة الملاك النائم تحولت إلى حنجرة و طلع لها عيل على عكس الولد - مارك - اللى كان هادى هدوء غير طبيعى
يمكنكم رؤية حنجرة مريم فى هذه الصورة
ميشو و مريم فى أكاسيا - فى لحظة هدوء نادرة
هناك ٥ تعليقات:
ميشو انا لسه شايف مدونتك في http://www.egybloggers.com/
لطيفه اوي علي فكره بس وقت العماد ده انا همنع دخول اي كاميرا لو خلفت ابن او بنت لانه مش عارف ليه بيبقوا مصرين يصورونا و احنا مش لابسين
انا عندي صوره فضيحه اخلاقيه لطفل :) بعد العماد مش يستنوا يلبسوني و يصوروني لأ صور صور قبل و بعد :)
مبروك المدونه الجديده
انتوك
شكراً قوى يا أنتوك :)
هو فعلاً الحاجات دى فضايح و تلاقى الناس حطاها فى ألبوم العيلة و لازم يفرجوها لكل خلق الله :)
على فكرة المدونة بتاعتكوا تجنن، من المدونات العربية القليلة جدا جدا المحترمة و حكاياتكم مسلية قوى، غير إنى حاسس أعرفكم. أنا بعد إذنكم حطيت رابط ليها عندى
ده شرف ليا انك تحط لي رابط عندك
enta lazem te3melena link 3andak taba3an :p
3ashan e7na ma3refa adima ;)
te3raf 7ad esmo shiko & nouva ?
akid te3rafhom :)
ana ba2a o7't nouva:)
nice sodfa :)
antika
eh da!!! mesh momken! Caroooooo!
sodfa antika fe3lan :)))))
how is mom and dad? i didnt see them men zamaaan, just in church long ago, i hope you're doing great. stay in touch ba2a.
إرسال تعليق